Skrivekurs

Er skrivekurs noko for meg?
Når vi fortel om skrivekursa til eldre får vi ofte innvendingar som:
-Eldre kan vel ikkje skrive dikt og skjønnlitteratur?
-Eg kan ikkje vere med, eg har jo aldri skrive noko i mitt liv.
-Eg har jo ikkje noko å skrive.
-Eg er ikkje så flink med rettskriving, og det må ein vel vere for å gå på skrivekurs?

Til dette er det å seie at sjølvsagt kan eldre skrive dikt og andre skjønnlitterære tekstar. Det har vi nok av eksempel på frå skrivekursa, noko du sjølv kan sjå av tekstane som har kome fram. 

Ønskjer du å gå på skrivekurs? 
Send oss ein e-post om du ikkje finn eit tilbod der du bor: redaksjon@eldreveven.no Kanskje de er fleire i same område som kan gå saman om kursønske til dømes til eit Senioruniversitet der du bor? Vi kan vere med på å få det i gong.

Ønskjer du å arrangere skrivekurs?
Kunne du tenkt deg å bli skrivekurshaldar? Send oss ein e-post: redaksjon@eldreveven.no
Høgskolelektor Oddgeir Synnes har halde ei rekkje kurs for nye kurshaldarar og vil arrangere nye kurs i framtida. Fleire nye kurs har blitt sett i gang med nye lærekrefter i Hordaland, Rogaland og Nordland. Du kan og få mange praktiske tips om oppgåver og metodikk i boka Tonen og glaset. Pedagogisk arbeid med eldre og verbal kreativitet.

Les meir om skrivekursa som har vore i Hordaland og erfaringane frå dei under Eldrepedagogikk.